MATUKIO YA UBAKAJI NA ULAWITI YAMEONGEZEKA JIJINI DAR ES SALAAM

Kamishna wa Kanda Maalum  ya Polisi mkoa wa Dar es salaam CP Saimon Sirro amesema matukio ya Ubakaji na Ulawiti yameongezeka kwa kiwango kikubwa katika mwaka wa 2016 ukilinganisha na mwaka 2015 kutokana na matukio yaliyolipotiwa kiwa kipindi cha mwaka mzima.

Amesema hii inatokana na kuanzishwa kwa Dawati la Jinsia na pia wananchi kupata uelewa na kuripoti matukio hayo kila yanapotokea hii ndiyo sababu kubwa inayofanya kuongezeka kwa matukio hayo katika mkoa wa Dar es salaam.

Kamishna Saimon Sirro akizungumza katika Kituo Kikuu cha Polisi Kati jijini Dar es salaam ametoa  taarifa hiyo wakati  akielezea takwimu za matukio mbalimbali yaliyotokea kwa mwaka 2016.

Kamishna wa Kanda Maalum  ya Polisi mkoa wa Dar es salaam CP Saimon Sirro amesema  mwaka 2015 vitendo vya ubakaji vilivyoripotiwa vilikuwa 972 wakati mwaka  2016 vitendo vya kubaka vilivyoripotiwa vilikuwa 1030 ambapo ongezeko lilikuwa ni asilimia 58 ukilinganisha na matukio hayo kwa mwaka 2015.

Akitoa takwimu za vitendo vya kulawiti kwa mwaka 2015 amesema vitendo vya ulawiti vilivyoripotiwa ni 3010 ambapo  mwaka 2016 vitendo hivyo viliripotiwa kwa matukio 383 sawa na asilimia 73.

Amewataka wananchi kuacha matendo maovu kwani hayatawafikisha popote zaidi ya kuishia katika mikono ya sheria na kutupwa jela.

Kamishna wa Kanda Maalum  ya Polisi mkoa wa Dar es salaam CP Saimon Sirro aksisitiza jambo wakati alipozungumza na waandishi wa habari katika kituo kikuu cha polisi Kati jijini Dar es salaam.

Diana Masala Kaimu Mkurugenzi Huduma na Elimu kwa Mlipa Kodi kutoka Mamlaka ya Mapato Tanzania TRA akizungumzia msako uliofanywa kati ya Mamlaka hiyo na Polisi pamoja na vyombo vingine vya usalama ambapo ulifanikisha kukamata bidhaa mbalimbali za magendo.

Kamishna wa Kanda Maalum  ya Polisi mkoa wa Dar es salaam CP Saimon Sirro akiangalia silaha mbalimbali zilizokamatwa katika misako mbalimbali ya pilisi mwaka 2016.

Kamishna wa Kanda Maalum  ya Polisi mkoa wa Dar es salaam CP Saimon Sirro akieleza jambo kwa wanahabari wakati alipokuwa akionyesha silaha hizo.