Jygga Lo: Nilikuwa nachukia sana kufananishwa na Jay Z (Video)

Ramadhan Ally aka Jygga Lo, ni rapper wa Tanzania anayefanana kwa kiasi kikubwa na nguli katika hip hop na tajiri nchini Marekani, Shawn ‘Jay Z’ Carter.
https://youtu.be/u3w-uGhgbNs
Unaweza kudhani kuwa ni kitu alichokuwa anakipenda sana, lahashaa, alikuwa akikichukia, lakini kutokana na ukweli huo kuwa anafanana mno na Hov, imebidi awe mpole.
Anadai alianza kuitwa Jay Z kila alipokuwa akipita mtaani lakini hakuwa akimjua rapper huyo. Amesema siku aliyomjua Hov na kuubaini ukweli huo, alikuwa kwa dada yake na ikachezwa video ya wimbo Excuse Me Miss wa rapper huyo.

“Ilipopigwa ile wakati naanza kula kijiko cha kwanza, sasa dada yangu ananiambia ‘ebana eeh, unajua umefanana sana na huyu mkaka!’ Akataja ile Jay Z sasa ndio ikabidi nimwangalie. Sasa nilivyoambiwa huyu ndiye Jay Z, nilivyosogea hivi nakumbuka nilichukia sana,” anasema Jygga Lo.
“Nakumbuka kile chakula ilikuwa ni viazi, nilichukua nilirusha kwenye TV yaani bahati nzuri tu vilikuwa vimejaa kwahiyo vikaganda kwenye TV. Nilichukia tu kwasababu sikutegemea kama ndio nafananishwa na mtu kama huyo,” ameongeza.